luns, 31 de xullo de 2017

Entender e comprobar a nómina de xullo

Aclaracións sobre a nómina na que se aplican os atrasos do 1%
Todo o profesorado acaba de recibir a nómina do mes de xullo e quen reparara no PDF recibido, ademais de na contía, puido pensar que farían falta unhas instrucións de uso para non ser perder na súa interpretación.
Moi brevemente, así queda a nómina que acabamos de recibir:
1.- Atrasos mensuais. Pagan os atrasos da suba do 1%* mes a mes especificado por cada concepto e coa retención do IRPF correspondente. Aparece DO 01/01/2017 AO 31/01/2017 - MENSUAL e así até DO 01/06/2017 AO 30/06/2017 - MENSUAL 
2.- Nómina mensual actualizada. Pagan o mes de xullo co novo salario (que inclúe tamén un incremento do 1% ao respecto das dos meses anteriores. Aparece como DO 01/07/2017 AO 31/07/2017 - MENSUAL 
3.- Atrasos da extra. Pagan os atrasos da extra de xuño correspondentes ao conceptos salariais que se devengan de decembro a maio (salario base, trienios, complemento de destino). Aparece como DO 01/12/2016 AO 31/05/2017 - SEMESTRE 
4.- Atrasos da extra (específico). Pagan os atrasos da extra de xuño vinculados ao complemento específico do ano 2017. O complemento específico na extra devéngase por semestres naturais. Aparece como DO 01/01/2017 AO 30/06/2017 - SEMESTRE
5.- Regularización dos erros cometidos na nómina anterior con funcionariado en prácticas. Como xa informamos na nómina do mes anterior a Xunta cometeu o erro de non pagar o complemento específico ao funcionariado en prácticas do corpo de mestres. Por outro lado, pagou de mais ao mesmo colectivo en prácticas dos demais corpos docentes. Estaba prevista que nesta nómina se regularizaran este erros. Por tanto, é importante comprobar que as contías engadidas ou retiradas se corresponden cos erros da nómina anterior.
Para calquera dúbida pode consultarse como quedan as retribucións na información da nosa web::
•Desde o mes de xullo, xa co 1% de incremento retribucións actualizadas co 1%
•As retribucións tal e como as cobramos nas seis primeiras nóminas do ano: retribucións de xaneiro a xuño
* O incremento do 1% aprobouse na Lei de Orzamentos do Estado (BOE 28/06/2017) e aplicouse ás nosa nóminas mediante a modificación da orde de confección de nóminas para o persoal da Xunta de Galiza (DOG 10/07/2017). Ligazón

venres, 7 de xullo de 2017

Moi boas vacacións!

Adios claustros, adios clases 
Adios, reunións de departamento
Adios, programacións dos meus desvelos
En setembro nos veremos

Os meus compañeiros e compañeiras,
 xefes de departamento, 
alumnado ao que tanto estimo 
e que desta vez non cateei

Aulas, patio, biblioteca
sala de profes con bombons
ate setembro non verei 
presentacións en powert point.

Adios exercizos! Adios exames!
Deixo equispe e para sempre
agardando windows sete
ou o linux Quen saberá!

Deixo as aulas pola praia
deixo o Insti polo mar 
Vacacións! Canto as desexo!
Quen nelas poidera quedar!


CALENDARIO EXAMES SETEMBRO 2017

Publicada na páxina web do IES Terra de Trasancos o calendario de exames de setembro.

Pica no enlace ou no enlace a paxina do IES na columna da esquerda do blog

martes, 27 de xuño de 2017

video fin de curso


Foi un curso intenso e cheo de actividades e proxectos,o Proxecto Terra, o TEI, Glackma, o Erasmus Plus que permitirá no próximo curso movilidades de alumnos e profesores, o Club de Ciencia, o Club de Lectura, participamos no Encontro dos Clubs de Lectura e foi un luxo para os que alí estiveron, reactiváronse os Blogs do Insti e da Biblio,houbo exposicións preciosas como a do Samaín, a de Maruja Mallo, a da célula, as cabazas,o apalpador, os reis magos..., o Gran Circuito, o traballo do Equipo da Biblioteca cos concursos e recitais, temos un xardín cunhas rosas preciosas, os bancos novos froito de moito traballo colaborativo, a participación en diferentes certames, a visita ao hospital dos teatreiros en inglés,as Brunettes, o teatro en portugués co pirata con pata de pau, un Mannequin, a música, os artistas do wave, da peonza,do baile, da pintura, o cine, os premios, Intercentros, Videoclips musicais, un Mannequin, Mocidade coa Lingua,Teatro con G, a Semana Verde, o día da Muller, pelexamos polos dereitos de Xabi, o Rallye Matemático, a Habitación de Fermat que tanto nos comeu o coco a algunhas profes, visitas a empresas, roteiros, o Coro e os seus concertos, as viaxes a Lorca, Londres, Berlín, Oporto, visitamos exposicións, tivemos talleres e charlas de escritores, científicos, exploradores, fotógrafos, o Entroido, o acto de Bacharelato e Ciclos, foi o ano de integrarnos na vida moderna co noso grupo do facebook: xa temos 775 seguidores!, co Instagram conseguimos un éxito rotundo entre os alumnos, Twitter,etc, etc,etc...seguro que me quedan algunhas cousas e actividades, desculpade se é así, intentei refrexar todas as que tiña documentadas no vídeo que estará colgado tamén na nosa canle de youtube .... todo isto, é grazas á vosa colaboración e conforma unha parte da esenza do Trasancos. (Graciela Galdo, subdirectora do IES)




luns, 19 de xuño de 2017

SEMANA DIVERCIENCIA DO 19 AO 23 XUÑO


actividades da semana 19 a 23 de xuño

-Xa estamos na recta final do curso e esta semana rematamos coas actividades. O sábado un grupo de profesorado e alumnado  do noso centro asistimos ás Xornadas dos Clubs de Lectura que foron preciosas e emocionantes para todos, estivemos rodeados de escritores, poesía, cine e música durante todo o día....pronto teredes unha crónica completa das Xornadas que fará a Coordinadora dos Clubs Bea Fernández....Foi TOP!

-Durante esta semana Imos celebrar a Semana da DIVERCIENCIA cun montón de actividades que están reflexadas no documento que vos adxunto e que están colgadas no vestíbulo, na Sala de Profesores e nas clases. Lembrade que son actividades voluntarias pero desexamos fomentar a para a participación do alumnado
-O xoves 22 de xuño  Coro Solidarium asistirá ao IV Encontro de Coros Escolares que se celebra anualmente en Ortigueira.

Finalmente, o venres 23 celebraremos o fin de curso con actividades como:

-FÚTBOL: 11,00 A 12,00 DA MAÑÁ. A final do Torneo Anual do Trasancos celebrarase no Pabellón e a ela poderán asistir TODOS os alumnos e alumnas do centro.

-FESTIVAL FIN DE CURSO: Será ás 12,30 da mañá. Teatro, baile, cancións, vídeos e mooooitas sorpresas agradables para despedir o curso. Pregamos ao profesorado que permanezades no centro nestas horas a asistencia e a axuda a manter a orde no Salón de Actos xa que por mor das  oposicións non van estar no centro moitos compañeiros e compañeiras.



SEGUIREI INFORMANDO....ACABAN AS CLASES PERO NON ACABAN AS SORPRESAS...


Un saúdo ......e  non, eu aínda non  rematei de correxir os vosos exames!😆

mércores, 14 de xuño de 2017

ACTIVIDADES FIN DE CURSO



Actividades fin de curso. Xuño-2017
**O venres 23 de xuño é o último día lectivo para ESO, FPB e 1º Bacharelato. Neste último día 23 a partir das 12:30 celebrarase unha xornada lúdica con: teatro, música...
**Entrega de boletíns martes 27 ás 11:00horas para ESO e BACHARELATO e as 12:00horas para os CICLOS e a FPBÁSICA. Non haberá transporte escolar, xa que a Consellería só o ten contratado ata o día 23.
** Revisión de exames: mércores 28 e xoves 29 ata as 13:00h. Unha vez recollidos os boletíns de notas poderán presentar a solicitude para revisión de exames na conserxería onde lle indicarán o día e hora na que o profesor xunto co alumno revisará o exame. 
** As reclamacións ás cualificacións presentaranse os días: mércores 28 e xoves 29 ata as 13:00 horas, na Secretaría do centro mediante escrito dirixido ao Director. Resolveranse, de acordo coa normativa vixente, no prazo máximo de 5 días.
** Os alumnos que aproben tódalas materias poderán recoller o sobre de matrícula do curso seguinte a partir do día 27 en Conserxería e poden  entregalo na Secretaría ata o día 10 de xullo para a ESO e bacharelato. Os ciclos teñen o período de admisión e matrícula do 25 de xuño ao 31 de xullo. Estas datas poden variar se a Consellería así o indica.
** A partir do 3 de xullo expoñeranse no centro e na páxina web as datas dos exames de setembro.

luns, 5 de xuño de 2017

EXPOSICIÓN DE PROXECTOS DE CICLOS SUPERIOR

 A exposición de proxectos de 2º de CS ADMINISTRACIÓN E FINANZAS terá lugar  na aula 18 

  • O xoves 15 de junio de 10:30 a 12:50 

  • O  venres 16 de junio 10:30 a 11:30.

venres, 12 de maio de 2017

O coro no ensaio do video con Guadi Galego

Mais de mil nenos e nenas cantan a coro con Guadi Galego na grabación dun video commemorativo das Letras Galegas.