martes, 12 de decembro de 2017

Nadal solidario no IES Trasancos

Chegou Nadal e neste tempo asoma toda a solidaridade no IES. 


COMERCIO XUSTOE E COMERCIO DE PROXIMIDADE: 

Temos na entrada dous postos, un de comercio xusto e outro de comercio de proximidade, que estan abertos e atendidos por alumnado do Centro nos recreos. O comercio xusto retribue o traballo de forma digna e coida dos recursos naturais. O comercio de proximidade estimula a actividade económica da zona, consume menos enerxía e reparte a riqueza de xeito máis equitativo que a compra en grandes superficies. Animadevos a mercar!

RECOLLIDA DE ALIMENTOS NON PERECEDEIROS PARA O CENTRO DE RECURSOS SOLIDARIOS DE NARÓN

Doutra parte un grupo de alumnos de 2º de ESO van ir axudar ao Centro de Recursos Solidarios de Narón  e gustaríanos levar algunha axuda para eles como leite, conservas de alimentos, galletas, cacao e alimentos precociñados( tipo latas de albóndigas, fabadas,etc). Mirade que a data de caducidade non sexa moi próxima.
 
Estamos a colocar as  caixas nas aulas para a recollida e o profesorado xa ten na sala de profes unha caixa. Como vas de solidariedade?

domingo, 3 de decembro de 2017

Correspondentes IES Trasancos

Arrancamos un novo proxecto Correspondentes xuvenís 3.0

Detectada a necesidade de divulgar información dirixida a xóvenes a Dirección Xeral de Xuventude lanza o  programa Correspondentes Xuvenís 3.0.

Cales serán as  funcións dos correspondentes?

  • Difundir no Centro educativo a información que nos envien tanto dende a Dirección Xeral da Xuventude como da OMIX do Concello e dende os concellos limitrofes dos que o noso alumnado procede (Neda, Ferrol, San Sadurniño, Valdoviño, Pontedeume).
  • Informar de actividades, concursos, proxectos que se fagan no IES e que pensedes que poden ser interesante para o alumnado e para outras persoas.

Como se difunde a información? 


  • Seleccionando  a información relevante e e difundindo  a través do taboleiro de anuncios do centro,situado ao lado da secretaria, donde tamén se instalará unha mesa de atención e información persoal.
  • Reenviando a información a través das redes sociais : Instagram, twiter, facebook, whatsapp, blog
  • Establecendo contacto e buscando información relevante nas páxinas e redes dos concellos

Que recibimos a cambio?  

  • O carné xove e ao final do programa un certificado de Voluntariado no que se xustifica o traballo desenvolvido  durante todo o curso.
  • Podemos solicitar  da Dirección Xeral de Xuventude o carné ISIC e o carné Alberguista para as vosas viaxes. 
  • Participar nun encontro de Correspondentes para mozos e mozas de toda Galicia  ao final do curso durante unha fin de semana no albergue xuvenil de Gandarío con actividades acuáticas.

Como atoparnos nas redes sociais?

https://correspondentesiestrasancos.blogspot.com.es/
https://www.facebook.com/Correspondentes-IES-Terra-de-Trasancos-450230348708280/

E en breve: En Instagram e Twitter

venres, 24 de novembro de 2017

Festival europeo de musica para xente nova

Noraboa ao noso Coro solidario que se esta a facer un oco no espazo europeo!
Os rapaces e rapazas do Coro estan entusiamados e ilusionadas coa súa viaxe  a Bruselas o vindeiro 27 de Abril para participar no
European Music Festival for Young People en Neerpelt.
Resultar  seleccionados para un evento internacional de tal importancia xa non enche de satisfacción, coñecer a capital europea e darnos a coñecer é un premio para todos nos, compartir a experiencia con outro xovenes da U.E. vai supñer unha experiencia enriquecedora. Noraboa tamén OLga e Graciela que co su traballo fan posible o Coro Solidario

venres, 3 de novembro de 2017

SEMANA DO MEDO




Esta semana pasamolo de medo no Insti! Adicamos a semana das ánimas ao director Tim Burton autor de entre outras “Pesadelo antes de Nadal” e a “Noiva cadáver”

Na Biblioteca limos contos de medo creados por nos, dibuxamos persoaxes máxicos e terroríficos e no salón de actos asistimos a proxección de curtas de Tim Burton.

Acabamos a semana do medo “maqueandonos” ao gusto do director: faces pálidas e esqueléticas. Un puntiño de terror e de tenrura para unhas persoaxes que  nos acompañan  no noso itinerario vital e xa forman parte da nosa imaxinación

Grazas a todos e todas as participantes e organizadoras:
A Graciela e Chus e Maria Xosé, polo traballo e imaxinación que lle botan
A Bea pola decoración tan impresionante que da encanto ao Centro e anima a participar. Superaste cada ano!
Ao alumnado de ESO que participou, escribiú e contou contos de medo, realizou dibuxos, maquillou e deixouse maquillar e sobre todo divirtiuse e disfrutou da semana!

E Grazas Tim Burton por crear  ese mundo tan peculiar e máxico e facernos  pasar medo disfrutando coas túas peliculas.

martes, 24 de outubro de 2017

Semana do terror no IES do 31 outubro ao 3 novembro





1- O alumnado de 1º e 2º de ESO asistirán ás actividades programadas polo Equipo da Biblioteca co seguinte horario:

  • LUNS 30 DE OUTUBRO: 2º ESO B 10,30-11,20
  • MARTES 31 DE OUTUBRO: 2º ESO C 9,20-10,10
  • MARTES 31 DE OUTUBRO: 1º ESO B 10,30-11,20
  • XOVES 2 DE NOVEMBRO: 1º ESO A 12,30-13,20
  • VENRES 3 DE NOVEMBRO: 2º ESO A E PMAR 9,20-10,10
2- Poderán traer nunha cartolina branca ou nunha lámina do block de debuxo unha ilustración da cabeza de Jack Skeleton, o protagonista de "Pesadilla antes de Navidad", ou calqueira outra ilustración dalgunha das personaxes de Tim Burton e entregarllas a Beatriz Lamigueiro o luns 30 de outubro. Cada ilustración entregada recibirá unha pequena recompensa.

3- O luns 30 de outubro e o xoves 2 de novembro durante o primeiro recreo terá lugar unha proxección de curtas de Tim Burton para todos o alumnado do centro no Salón de Actos.

4- O venres 3 de novembro todo o alumnado poderá vir maquillados de forma terrorífica ou participar nun obradoiro de maquillaxe de Tim Burton que terá lugar durante os recreos  no vestíbulo do centro.

xoves, 19 de outubro de 2017

Programa TEI. Titoria entre iguais




O Noso alumnado de 3º da ESO participa no proxecto TEI ou Titoría entre iguais  Estas imaxes corresponden a xornada de formación dos titores e titoras de 3º da ESO.

O noso Centro participa no Programa TEI, un programa de convivencia institucional que implica a toda a comunidade educativa
  • Oriéntado a mellorar a integración escolar e traballar por unha escola inclusiva e non violenta
  • Fomenta que as relacións entre iguais sexan máis satisfactorias
  • Dirixido á mellora ou modificación do clima e a cultura do centro respecto da convivencia, conflito e violencia (física, emocional ou psicolóxica)

Baséase na tutorización emocional entre iguais onde o respecto, a empatía e o compromiso son os alicerces básicos do seu desenvolvemento nos centros educativos: En secundaria: Os alumnos de 3º son titores emocionais dos de 1º


Os centros que aplican o programa están integrados na REDE DE CENTROS TEI TOLERANCIA CERO, comparten e desenvolven iniciativas, materiais e boas prácticas na prevención da violencia e o acoso escolar.


Rally Matemático





RALLY MATEMÁTICAS E CIENCIAS 2018
O noso centro participa no o Rally sen Fronteiras 2018:
Destinado a alumnado de 4º da ESO (Física e Química, e Bioloxía- Xeoloxía) e alumnado de 1º, 2º, 3º.e 4º da ESO (Matemáticas)
Ø  Se che gustan as ciencias e as matemáticas
Ø  Se pensas que as matemáticas son para a vida e non só para alguns cerebrins
Ø  Se adoitas e queres traballar en equipo colaborando cos compañeiros e compañeiras
Ø  Si crees ter imaxinación e creatividade
Ø  Si queres participar nun concurso internacional e coñecer  alumnado de outros centros e  paises

Participa no Rally Matemático os xoves no primeiro recreos na aula de Debuxo

Os equipos gañadores terán a oportunidade de viaxar a final en Toulouse (Francia) e os  finalistas  agasallos

Exemplo: O restaurador
Un famoso restaurante recibe dun dos seus clientes fieis e amigos a seguinte mensaxe:
"Prever para mañá unha comida con menos de 100 invitados, poderás determinar o número de clientes sabendo que, cun invitado menos, poderías facer mesas completas de cinco persoas e, con dous invitados menos, poderías facer mesas completas de sete persoas. " O restaurador está irritado porque hai varias posibilidades para o número de invitados.
-Cales son esas posibilidades? Pista: So hai duas posibilidades
Afortunadamente, recibe un pouco máis tarde unha nova mensaxe: "Engado só un invitado máis polo que poderás preparar mesas completas de catro persoas."
-Cal é ao final o número de invitados?

Si crees saber a resposta deixanos un comentario coa solución